主页 > 生活情报 >一个入咗伦敦金行业嘅高登仔自白 >

一个入咗伦敦金行业嘅高登仔自白


2020-06-14


一个入咗伦敦金行业嘅高登仔自白

于2014年8月左右透过Facebook朋友介绍,加入一间黄金投资公司。

我第一日返工既时候,上司就介绍一个靓女秘书比我认识,跟住就叫我申请一个陌陌帐户(一个大陆知名手机交友程式,可以定位搵到附近唔识的既人)。不过个帐户唔係用我自己个人身分去Sell客,而係用个靓女秘书的身分去同d客人联络沟通,时不时都要摆下d性感露波Show长腿既相咁样来吸引d男人,仲叫我同d三九唔识七又未见过面既麻甩佬讲一d肉麻暧昧既说话,屌你老味我真係顶唔撚顺。

不过,开始我觉得呢一行无学识无经验都可以变成金融才俊短期内买楼揸跑车戴名錶沟Model,原来d钱係咁样呃返来既,眼见个个朋友都今时唔同往日,我明知係呃人都照样继续做落去,其实当时已经比工作既环境同d上司不断咁洗脑,所以渐渐觉得咁样做係唔係好大问题。

我大概做左三四个月,亦都透过一个假身分成功讨得两个客人欢心投资左总共三十万左右,我既佣金都有接近十万,我都买左人生之中第一只劳力士。陆陆续续咁我都取得搵客收客的技巧和心得,发觉原来男人是这幺容易上当受骗的。如是者我就係呢度做左差不多接近半年,职位係业务总监。

2015年过年既期间,我与往年有些与别不同,穿着西装戴住只靓錶钻戒唔係之前个死MK仔染晒金毛咁既款去同各位亲戚拜年,仲要请大家食饭出手阔绰。亲戚们自自然然会问我做紧边行,个人180度大变化。我当然将最表面的话比大家知,我係一间上市金融机构的金融才俊业务总监。

大年初三这天,去了舅父家拜年,表哥又再问起我搞咩捞得咁掂?我都係一样咁回答我做金融。佢就即刻神色有d不妥咁反问係咪伦敦金?我答係,话口未完就比佢兜拳车埋来,继而拳打脚踢,表哥係泰拳教练我完全係无还手之力唯有挡住保命。之后舅父舅母老豆老母就拉开表哥问个究竟发生咩事。原来表哥几个月前就係因为係微信附近的人结识左所谓既美女投资顾问,被一d虚假行情矇骗前前后后投资左80万,依家连层楼都按卖,佢老婆知道成件事后当然係离婚收场,最后搞到妻离子散。

而我都比家人知道我所加入的行业所做的事情,过年后就无再踏入呢间公司半步。

这是我的真人真事,我在做呢一行的半年期间都可以成功骗取五个客人,过百万投资金额,我的佣金数十万。半年有几十万粮,一个大学生出来打几年工都未必有咁既收入,我係一个读到中三无读既劣童都可以搵几十万。香港呢个社会简直係有问题。我看见一间公司有几百名老千,一个月就最少有几百名受害者,投资金额总共数以千万计,全香港加加埋埋有接近一百间的伦敦金投资公司。相信每月都有万千港人内地人受骗。受骗金额每年亿亿声,仲多过d内地电话骗案啦,但唔知点解无人出声无人报导。

现在就拆解如何运作模式:

1。现时既搵客模式不流行电话ColdCall,智慧型手机世界紧係用交友App搵客啦。不过用男人身分係无用既,一定要用女人身分,仲要係索女先有用。美人计,男人点会唔受落?

2。一间伦敦金投资公司大部份以男性为主,搵到钱既都係男性。但点解d男受骗者都係结识美女经纪既?因为一个女经纪,十个分身,呢十个分身係男人,係男经纪,OMG,原来呢段时间一个受害者一直都同一个男人倾紧d情爱说话,骗财不但止,原来感情心灵都受骗。到左语音,电话出动既时候先搵个女经纪讲两句,约出来见面了解既时候就必须衣着性感,带埋上司出来左右夹攻。所以受害者永远都估唔到原来一直同个男人倾紧计。

3。上载赚钱纪录,报喜不报忧。Facebook朋友圈经常有人摆d劲赚大钱纪录同行情,但从来无输钱既情况出现。股神都无咁劲啦!其实输钱既纪录仲多,只不过无摆到出来比大家见到。有时候都会摆d模拟账户既赚钱纪录呃下无知的大家。

4。唔使多讲,大家成日见到d现金,係一大班人既佣金,你影下我影下,製造假象比人睇一个新入行既人都可以搵到咁多钱。

5。搵到大钱既,正常都係站在上面果班,而现在的伦敦金行业,很有趣的情况,就是你认识的朋友多,就可以叫人返工,你做人上司,无论你年资有几短。三个月都可以做副总裁,只要够人够数。

6。出来行,最紧要行头,叫得人拎钱出来,美女未必係专业,有人觉得係花樽,唯有上司出动,上司紧係要卡片写住总监,副总裁先杀食够权威啦,唔通真係要大学毕业又MBA又做过几多年投行咩。所以埋个个都係副蠢材咯!

来源



上一篇:
下一篇:


小编推荐